年屆60歲的資深演員樓南光對推廣高爾夫球運動不遺餘力，曾先後3次「棄桿」的他，見近年本港高球熱潮減退，球場買少見少，竟突發奇想決定暫停演藝事業，加入組織《中國（香港）長青職業高爾夫球手協會》當公共傳播總監，致力令高球「重生」。雖然零收入「食老本」，他卻說：「預咗1、2年要咁樣。好明白高球係比較昂貴嘅運動，想將佢『平民化』，有啲人對高球嘅潛質係天生嘅，唔想嗰啲有Potential（潛能）而家庭環境一般嘅球苗被埋沒，香港能出到另一個Tiger Woods（活士）就更加好。」他更將高球理念與做人畫上等號：「運動可以訓練人類嘅Body、Mind and Soul（身體、思想及靈魂），小朋友一齊學波亦容易產生朋輩影響。」

樓南光希望香港的高球運動可以重生。