傅嘉莉為新劇《張保仔》獻出「第一次」，首次到橫店拍古裝的她初嘗騎馬，令她愛不釋手。雖然當地早晚溫差大，令她難以適應又病倒，但她卻視為一個挑戰，並自爆首次在郊外如廁的苦況。

雖然拍外景辛苦，但傅嘉莉仍樂在其中。

傅嘉莉買了大量暖包，相當誇張。

傅嘉莉早前到橫店拍新劇《張保仔》，更獻出騎馬、拍古裝、到橫店三個「第一次」，未出發先興奮的她又準備了大堆保暖物品及食物，單是暖包已佔去四分一個行李箱，認真誇張。她表示在當地經歷兩種天氣，早、午、晚的溫差相當大，令她初到埗時即病倒：「凌晨五、六點出發時好凍，到下午十點、十一點就好熱，熱到想除入面件打底，到收太陽時又凍番，加上呢度好乾，所以想喺間房開暖氣，但又會乾到喉嚨痛，都要啲時間適應。」由於帶來的禦寒衣物不足夠，最終要在當地買毛衫打底，連背脊、心口、肚和腳都貼滿暖包。

克服天氣

傅嘉莉稱拍外景受很多環境因素影響：「除咗要克服天氣，有時外景有車又有人，呢度好興結婚放炮仗，所以好多時都有炮仗聲，拍攝時好影響我哋收音。有時要趕太陽落山前拍重頭戲，好大壓力，演員心理質素都好重要，惟有盡量投入一Take過。」曾擔任模特兒的她稱去過不同地方拍攝，最難忘是要在郊外如廁：「未試過喺草叢、山林去廁所，初頭都接受唔到，但冇辦法，好多時候去啲地方冇廁所。」

首次策騎

談到首次騎馬，她說：「初時騎上去有啲驚，雖然揸住條韁繩，但感覺好唔安全，慢慢克服咗高度。上馬後我成日摸佢，好似同佢有交流，開頭有馬伕帶住慢行，之後嘗試控制佢點行，其實啲馬都好乖，我都好快上咗手，我個秘訣係拍完請佢食草，所以佢都好聽話。」