忙於為新國語碟宣傳的張學友最近將經理人工作交由環球處理，學友坦言要時間磨合：「平日我好好相與，但開會或拗嘅時候，我好嚴肅、固執。（咪好驚你？）驚驚哋。」跟環球並沒有簽經理人約的學友覺得誠信很重要：「呢行都係講信任。」過去學友的巡唱都是百多場，被視為「肥豬肉」，他說：「反正都要畀人做，咪畀環球搞，我唔覺得所有錢要自己賺晒。」他坦言連開幾十場巡唱很「癲」：「依家冇咁傻，都唔贊成咁做，我見過自己同阿倫（譚詠麟）做完騷塊面真係灰色好嚇人。」他初步跟環球商量舉行小型音樂會：「做自己騷所有嘢我好堅持，音樂一定唔放手，台、燈都要理晒。」

學友表示舉行個人演唱會時會很堅持及執着。

場地：黃埔海逸酒店