謝婷婷昨日出席Salvatore Ferragamo腕錶活動時表示，臨近歲晚希望多些工作，問單身的她情人節是否要積極爭取工作？她說：「約咗女朋友喺屋企煮嘢食，（會唔會中途轉同性戀？）我未試過鍾意女仔，但有畀女仔追過。（有冇男仔向哥哥霆鋒示愛？）冇，但有男仔朋友覺得佢超級無敵瘋狂靚仔，女仔朋友一講起我哥就怕醜，試過叫女仔去我哥屋企玩，佢哋嚟到變咗另一個人，好靜。」對於父親謝賢近日接拍內地真人騷節目，霆鋒怕他辛苦勸喻辭演？婷婷卻鼓勵說：「大家都會錫住爸爸。（想唔想同爸爸同台跳舞？）我未夠班，但如果要揀世上唯一嘅完美舞伴，一定係爸爸！」

謝婷婷大讚父親謝賢舞功了得。

新婚的楊洛婷心急做媽咪。

同場擔任司儀的藝人楊洛婷透露新婚生活很開心，希望盡快成功造人：「我好想要，最想係出年有，後年生，因為同老公都係屬雞，不過如果依家有都開心！」