蕭正楠最近頻頻到內地登台唱歌搵真銀，與女友黃翠如有價有市，問到何不情侶檔登台搵真銀？他笑說：「佢唱歌好似唸詩咁，教過佢，但係比較困難！」

蕭正楠寸女友翠如歌藝不精，但期望可情侶檔出騷。

《倩》劇演員到馬國宣傳，與觀眾打成一片。

薛家燕、蕭正楠、吳若希與湯盈盈等，前晚在將軍澳電視城為賀歲劇《倩女喜相逢》拍賀年MV，家燕姐笑言會帶領眾人跳其獨門舞步「十字步」賀歲。

內地登台賺到笑

蕭正楠則透露劇集《師奶MADAM》出街後令他獲得更多登台機會，最近已到番禺及廣州等地登台搵真銀，問到會否與女友黃翠如登台合唱？他笑說：「佢少唱歌，唱歌好似唸詩咁，已經教過佢，但係比較困難。其實聖誕都有人搵我哋去拉斯維加斯登台，但要佢唱半個鐘就吃力啲，希望遲啲有機會一齊唱！」

他倆這情侶檔有價有市，蕭正楠透露已收到出席情人節商場騷的邀請：「廣告商可能擔心情侶檔嘅價錢，我哋希望情人節一齊出騷，唔介意減價。」

湯盈盈變「鴛鴦波」

至於吳若希除了《倩》劇外，其後還有《衝線》接力，問到可擔心觀眾睇到厭？她說：「一套古裝、一套時裝，我都係拍得兩套劇啫！」她又透露會主持綜藝節目。而湯盈盈在《倩》劇飾演捉鬼大師，劇中不時拍打胸口展示豪氣，笑謂因打得多令胸部變成「大細胸」。她與錢嘉樂結婚後揚言抗拒拍咀戲，同時亦介意老公拍咀戲。

另外，劇中演員薛家燕、蕭正楠、麥長青、梁烈唯及滕麗名，早前到馬來西亞宣傳劇集，席上與觀眾玩遊戲及大唱賀年歌，相當熱鬧！