Ana R.不設防等報喜
名模Ana R.昨日出席《Dream Skin韓式蝸牛護膚新秘技傳媒發布會》時透露,與老公Brad已結婚一年,並做好生B的準備:「我哋做咗好多練習啦!(不設防?)冇設防,我將以前所有學過嘅避孕方法拋諸腦後。依家做多啲瑜伽,同埋睇中醫調理身體。」
Ana R.揚言不設防,準備生B做媽咪。
洪子崎與男友挑選嬰兒用品,並即場試用。
另外,珠寶小姐洪子崎(Angelina)上月宣布與男友Lee Tsui訂婚,昨日再宣布將成為羊年媽咪,並與男友到嬰兒用品店購物,她說:「依家有咗四個半月,重咗8公斤,上圍升咗3 Cup,原定6月結婚要延遲,希望到時由BB做花童。」她又百無禁忌,在懷孕期間搬屋及穿三吋高跟鞋行街。