江美儀、顏子菲及Kawaii等昨日出席慈善盆菜宴，並即場向街坊派發禮品包，場面熱鬧。子菲抱病充當司儀，笑稱因感冒菌入腸不適而遭朋友「嫌棄」：「叫我未好番唔好搵大家食飯。」肖虎的她打算今年於影壇大展拳腳：「人哋話送羊入虎口嘛！農曆年後應該幾旺我，我之前上堂跟黃秋生學戲，真係獲益良多。」手頭上有美容廣告洽談中的她說：「形象方面應該唔會令大家失望。」

江美儀將於農曆新年期間出埠，享受陽光與海灘。

顏子菲抱恙出席活動，更自爆遭朋友「嫌棄」。

江美儀則透露將要花6日時間「遊飛機河」，宣傳《衝上雲霄》電影版。談到拍檔馬國明早前曾「埋怨」英國戲份只得室內，美儀即說：「係佢畀得3日兩夜時間，去到英國落地得1日，本來有啲浪漫街景都Cut晒，搞到我戲份得番咁少仲好講！」她又透露農曆新年期間會出埠，享受陽光與海灘，但已準備5位數封利是予工作人員。