因家暴案被判守行為的周永恒(Roy),早前再涉恐嚇太太趙頌茹(阿Yu)及其父母,被控一項普通襲擊罪成,昨晨Roy在父母及另一名女友人陪同下到法庭聽判決。其代表律師指Roy之前承受很多壓力加上婚姻出現問題,才令他衝動犯案,事件廣泛報道後令Roy出現妄想病徵,現已積極求診。

普通襲擊罪成的Roy,得悉不用坐監後態度相當輕佻。

但裁判官聽取Roy的求情理據時頻頻搖頭,指Roy的行為甚差,其壓力源於他的缺失,有需要判處阻嚇性刑罰。法官最終判監兩個月,緩刑18個月,李官判刑後問Roy是否明白時,Roy未有回答並「掘住」李官,直至李官微感不滿:「出聲吖,唔該!」Roy才強顏表示「明白」。

Roy離開法院時態度相當輕佻:「我判乜嘢都滿意啦!你哋(指記者)一早判咗我啦!」他稱希望與兩名女兒見面,但會透過社工聯絡阿Yu,又指自己的事被傳媒渲染:「上次都係想探兩個女就搞到咁嚴重,之前報道話嗰啲乜嘢殺死你都係渲染,外母又話我吐口水落佢塊面搞到要報警。」及後突然重提阿Yu童年時疑遭性侵的事:「阿Yu之前嗰件事都應該報警啦!大家都知係邊個,希望佢哋會行動,唔好淨係處理我啲事,都要處理埋嗰單。」

問到跟小三劉依靜(Ruby)的關係,Roy繼續發功:「又係渲染,報紙近期好好賣,我都做咗好多期主角,係時候要休息吓!」而阿Yu則對判決表示尊重,事件發生至今影響到太多人:「衷心希望今次作為一個完結,喺呢件事上我學到嘅嘢就係作為一個成年人、一個父母,點樣用身教教好一個小朋友係幾咁重要,希望2015年有個新嘅開始。」

而Roy母在庭外顯得勞氣,向老公和親友大呻:「唔啱咪離婚囉,使乜搞咁多嘢!」又批評法庭「淨係信晒啲報紙。」

案件編號:TMCC 3065/2014