黃百鳴女兒兼電影製作人黃漪鈞（Alvina）日前為藝人盛君帶路，走訪位於旺角朗豪坊的全港獨家4DX戲院，齊齊闖進色香味俱全的電影世界！據悉4DX戲院提供「杜比全景聲」聲效，現場座椅更會釋放煙霧、香味、泡泡、猛風及噴水等。Alvina透露父親黃百鳴「開綠燈」投資逾五千萬：「想用最先進技術吸引觀眾入戲院！依家投資大，但攤開十年戲院合約都合理！」

Alvina（左）與盛君日前到訪全港獨家4DX戲院。

雖以巨額獨家引入4DX技術，但Alvina於背後亦付出不少心血，更「一腳踢」包攬戲院事務：「帶韓國團隊為戲院重新度位、裝修同鋪線，仲改咗座位設計，行過都唔會撞腳！每個禮拜仲會賣特別口味嘅爆谷同素食！」她又透露將勇闖上海開設戲院，談到父親黃百鳴可有給予意見？她說：「佢淨係話要做得好，佢好勇於嘗試新嘢。」而平日苦練跆拳道的盛君則盛讚打鬥戲效果逼真：「張椅會跟晒節奏咁搖同震，好似入咗套戲做主角！」