張惠雅早前「大肚臨Dum」遠赴武當上山修煉，日日練功之餘更自組「武當旅行團」，與一班「團友」暢遊各個景點，誓要吸盡當地武藝精華！

Regen指武當好食好住，搞到增磅不少。

Regen不用開工時便組團遊山玩水，不亦樂乎！

Regen到武當拍劇，順道偷師學太極。

歌手張惠雅（Regen）早前為了拍攝無綫劇集《潮拜武當》（暫名），與一班演員遠赴武當山取景。談到新劇角色，她透露今次會破天荒飾演大肚婆：「我會做一個大肚婆，仲會上山生仔，同過去好唔同！平時自己感覺似係妹妹，但今次會有感情線。」Regen又覺得能夠與其他演員齊齊上山練武是一種緣分，所以就算劇集已煞科，大家仍保持聯絡。

偷師學太極

難得有機會登上「武當之巔」，除了趁機向師傅偷師學太極外，Regen當然不會白白錯失感受當地文化的機會，一有時間便與劇組同事到處遊玩：「因為大家都差唔多年紀，所以好玩得埋，一熄機就去玩。我哋去得最多係金頂，即係武當山嘅最高點，另外去咗兩次太極湖，當地真係好靚。」

究竟住在武當山會否吃得比較清淡？Regen笑言初初的確為了食而勞師動眾：「一開始我哋帶齊晒啲煮食用具去，諗住會冇啖好食，打算一齊烚菜，點知最後個個肥晒返嚟！」她又指雖然當地的肉類有別於平日所見，但都一於少理，食咗先講！