前亞姐吳嘉星（Kathy）近期工作一個接一個，由於嘉星能操流利英語、普通話以及廣東話，故一向深受客戶歡迎，短短兩個月便接下超過十多個司儀工作，荷包進帳超過六位數字，認真和味！

吳嘉星與陳智燊早前一起擔任活動司儀，十分合拍！

不過，由於工作排得緊密，令嘉星上月底跟媽媽到歐洲旅行的計劃也要暫緩，她說：「原本計劃同媽咪一齊去奧地利、克羅地亞、捷克、匈牙利同德國旅行，但咁啱有工作要做，媽咪都好體諒我，叫我工作為先，希望遲啲有機會同媽咪去旅行。」

即將來臨的農曆新年，嘉星亦因工作未能休假，但她一點也不介意，還笑言是「天生工作狂」，工作多啲嚟密啲手！