年紀輕輕便已入行做模特兒的譚詠怡（Victoria），作為o靚模組合Yogurt成員的她從不愁零用錢，但她卻相當慳家：「好多人都會覺得啲Model好大使，好似賺錢買花戴咁，但其實我平時都唔係點買嘢，出騷嗰陣好多衫都會翻着！」問到有甚麼廉價護膚品推介？她語重心長地說：「其實好多天然嘢都好平o架，仲唔會用到敏感！好似青瓜水咁，真係好有效果o架！」新年將至，談到會否趁機入貨置裝？Victoria表明不會刻意買衫，若看到喜歡的衣服才會出手！

慳家的Victoria平日精打細算，不會嘥錢亂買衫。