自認戀愛大過天的o靚模尹蓁晞（Yumi），自從與陳偉成分手後便一直單身。面對舊愛接二連三的攻擊，Yumi仍然對舊情無怨無悔，並會繼續靜候Mr.Right降臨。

飽受情傷的Yumi未有後悔，反而選擇靜靜等候Mr. Right。

雖然追求者眾，擇偶注重細節的Yumi明白到慢慢挑選才會細水長流。

縱然「那麼驚天動地愛戀過」，分手後Avis卻開口寸Yumi暴肥。

早前o靚模尹蓁晞被前男友陳偉成（Avis）當眾嘲笑身材圓潤後，他倆於網上上演一場舌劍唇槍，問到Yumi有否後悔與Avis的一段情？她說：「我從來都冇後悔過！始終大家都有開心過，而且每段戀愛都學到嘢嘅。」

無悔戀Avis

Yumi更會為每一段戀情努力學習，自我增值：「好似我以前咁，我曾經係一個完全唔識煮飯嘅女仔，但就因為識咗個男朋友係好鍾意食住家飯，咁我就專登為佢學煮咗幾味，所以我覺得每一段戀愛經歷都可以為自己增值。」

因Avis而對男人失去信心的Yumi，雖然身邊不乏追求者，但她卻想認真互相了解後才發展感情，談到是否很享受單身生活？Yumi即時耍手擰頭說：「我唔想o架，我都想拍拖o架！不過仲未遇到個啱嘅，所以先被迫單身咋！不過依家賤男人太多，真係想搵個好嘅先發展！」

寧缺勿濫

飽受情傷的她似乎對愛情有過敏反應，她大談擇偶時很看重細節，並指有追求者不夠細心體貼，白白失去與女神拍拖的機會：「前幾日我病咗，我專登同佢講，其實想畀個機會佢關心我、照顧我，但最後佢咩都冇做過，我真係對佢好失望！」事隔五年，Yumi再次單身過生日，她笑說：「感覺都幾特別o架，多咗好多朋友陪我過，第一次生日食五個蛋糕！」