歌手洪卓立（Ken）日前接受訪問時提到在《勁歌金曲頒獎典禮》贏得金曲獎時開腔多謝女友湯怡，他表示當時是師姐容祖兒落Order：「其實我一向好低調，係祖兒喺台下嗌『湯怡』囉！」Ken又談及最近正拍攝英皇電影《三條友飲醉走》，打算煞科後才與女友擦大餐慶祝。他指在劇中經常要大嗌扮飲醉，令到聲帶沙啞：「反而冇乜飲酒戲，係成日要大嗌，嗌到把聲『皺』晒，個人好攰呀！（親熱戲份？）我要同英皇一個同事錫錫，劇情係講我哋用嘴傳紙牌時傳跌咗，唔小心錫到對方。」

洪卓立領獎時公開愛的宣言，原來是受人指使！