近年主力擔任有線主持的喜劇演員李尚正曾參演周星馳電影《西遊：降魔篇》，但他坦言家教甚嚴，父母不准他看星爺的無厘頭笑片，豈料尚正愈禁愈想睇，他笑說：「我到大學一次過睇晒周生嘅戲，由《少林足球》起再追番啲舊片，過足癮，依家仲有機會幫佢手，真係意想不到！（父母反對？）都冇，依家好支持我。」

堪稱「冷面笑匠」的李尚正自嘲冇搞笑天分。

鏡頭前尚正總是「冷靜地搞笑」，堪稱「冷面笑匠」，但他自嘲沒有搞笑天分：「細個冇人覺得我好笑，係入到有線之後，搵料、寫稿、剪片，甚至出埋鏡，我搞到啲嘢『錯晒』，反而高層覺得我畀到火花，幾好笑！」