性感女星崔碧珈（Anita）經常運動練成Fit爆身形，早前她到健身室示範做Gym，拉筋、負重蹲、提腿、舉啞鈴、凌空支撐及打沙包，她都應付自如，更為大胸的女士提供運動小貼士，建議要注意姿勢不要寒背，佩戴合適運動的Bra，事後亦要按摩胸部。

崔碧珈玩大字馬拉筋。

崔碧珈鍛煉後腿肌及臀肌。

Anita擁有強勁事業線及馬甲線，惟身形偏向大隻，她說：「每個人有自己市場，唔係腰幼、好瘦就係靚。（想練六舊腹肌？）唔使，三條線就夠。（太大隻嚇親男仔？）唔會。（鍾意肌男？）唔係只係欣賞身形，係佢哋有種毅力同魄力！」