歌手可嵐早前爆出家暴，現正與老公分居的她，為兒子努力挽救婚姻，近日又重返樂壇，自資推出新歌《愛‧傷了》，首次填詞的她細訴不如意的愛情經歷：「一諗到『愛』字就諗到心碎，當心碎時再睇番個『愛』字，原來個『心』喺個『愛』字裏面，即係愛可以將破碎嘅心修補好，呢首歌同我段感情有關。」談到首次與白健恩（小白）合拍MV，她坦言要拍「床戲」感尷尬：「因為拍戲經驗唔多，都驚唔識點配合，呢個都係一個大嘗試。」曾被門夾爆手的她自言拍攝時負傷上陣：「當時經歷緊屋企唔開心嘅事，所以每個心情都係真情流露。MV內容某程度係同老公嘅一啲感情經歷，主要講兩個人因一個承諾走埋一齊，但有人違背咗，令到我好失望。」

與白健恩拍床戲，可嵐大感尷尬。