無綫藝員楊潮凱及何雁詩去年事業升呢，期待2015年有更多劇拍及唱歌機會，兩人亦希望可合作拍喜劇放笑彈！感情方面，已婚的潮凱想繼續享受二人世界，不急於生BB，單身的雁詩則直認恨有愛情滋潤。

雁詩與潮凱受訪很投契，有意合作拍喜劇。

單身的雁詩渴望有愛情滋潤。

婚姻美滿的潮凱不急於「造人」。

楊潮凱及何雁詩去年事業發展不俗，潮凱在劇集《再戰明天》及《守業者》的表現令人刮目相看，跳出陽光男孩形象，雁詩開始拍劇之餘更首度出唱片，並有機會為主演新劇《四個女人三個Bar》獻唱主題曲。踏入2015年，潮凱及雁詩希望事業進步兼生活美滿，潮凱說：「嚟緊想再試演喜劇，太太話我當年做舞台劇時演喜劇係最好，希望拍劇可以表現到喜感，呢兩年開始自己寫番歌，想有更多登台機會！（婚姻生活呢？）Really Sweet！（計劃生BB？）唔急住！過吓二人世界先。」

飯局最驚Dead Air

初次拍劇的雁詩未感自滿：「我都想好似潮凱舊年咁，試到一啲同自己性格完全唔同嘅角色。另外，我舊年有機會出碟係好難得，無論銷量點，都想開到音樂會！」雖然工作繁忙，單身的雁詩直言想盡快覓得男友：「我隨時Ready，想有一段長久穩定關係。（咁忙點拍拖？）好似我首歌《線上情歌》咁上網維繫囉！」

潮凱及雁詩同樣擅搞氣氛又健談，訪問期間相當投契，他們說：「我哋都好驚同朋友食飯會Dead Air，所以會講好多嘢，令大家投入啲開心啲！所以我哋一齊拍喜劇應該會幾開心！」潮凱大讚雁詩有演戲潛質，望可合作擦出新火花！