張智霖（Chilam）、劉心悠昨日以代言人身份出席活動，Chilam即席邀請曾修讀藝術及設計課程的心悠設計演唱會DVD封套，而心悠亦已初步答應。問到Chilam可有留意莊思敏續約，並拍攝了全裸海報？他即大表佩服，問能否做到，他說：「我要加操先得，要好Fit先得，暫時未有信心。（接受到裸露？）我開演唱會時已經成日露朱古力。（要露股喎？）有好多心理關口要衝破，但拍戲就可接受，因有好多劇情牽引，容易啲克服。」

Chilam作狀攬心悠BB纖腰，盡顯紳士風度。

他表示多年前拍電影《金榜題名》只穿內褲上陣，不過最後該幕戲被刪剪，回想那次大膽演出他亦覺得汗顏：「依家我仲Fit過以前。（畀老婆私有化咗？）佢話有好嘢要益大家，希望真係好嘢，我要問吓我設計師（心悠）有咩Idea先。」心悠則笑言要Chilam裸露拍封套是Good Idea：「我會認真諗吓，呢個構思可以傾，就算唔裸都可以露個Pat Pat。（你都想睇？）好呀，呢樣仲開心過賺錢，一定好多人買。」