甄子丹太太汪詩詩昨日出席頒獎禮,問到會否為子丹擔任美容顧問?她說:「我一路都有照顧佢嘅皮膚,其實佢皮膚質地好好,不過拍戲時間長同要化妝,所以都要佢敷面膜。」她又表示將與子丹外遊,問到是否順道慶祝情人節?她說:「係喎!(老夫老妻唔使慶祝?)都要Keep住有Fire,要諗啲特別啲。」

汪詩詩將與老公甄子丹外遊。

而性感現身的Jocelyn表示將與老公Anthony到非洲做義工過情人節:「參與保育動物嘅慈善工作,同動物一齊過。(趁機造人?)幫動物造BB,哈哈!依家係事業高峰期,遲啲先。(兩年後?)希望,依家喺香港養小朋友學費好貴,我哋要搵多啲先,希望下一代生活得好啲。」