陳家樂、洪卓立、吳浩康、衛詩雅及日本AV女優友田彩也香,昨日在中環拍攝英皇新片《三條友飲醉走》。一身潮爆戲服的家樂被發現「褲穿窿」,原來劇情交代他慘遭整蠱。他於戲中艷福無邊,除與友田大演對手戲外,導演更臨時安排他和吳浩康咀嘴。談到與友田合作,家樂笑說:「因為高度問題,語言又唔通,本來想一Take過嘅,最終都要分Shot拍。」而首次來港拍戲的友田亦對拍檔讚不絕口:「與家樂合作要趷高腳,佢亦『烏低身』就我。(最想同邊個男星拍親熱戲?)阿樂啦!(大家話你似謝安琪?)我睇過佢嘅相,都想見吓佢真人。」

陳家樂(右起)、衛詩雅及AV女優友田彩也香等齊齊拍攝新戲《三條友飲醉走》。

而吳浩康提到與女友鍾舒漫的婚事:「我鍾意大龍鳳,會全程着中式禮服,我恨咗嗰頂帽好耐。婚禮會變成我嘅小型演唱會,老婆都唔好同我爭,最多畀佢伴吓舞。」至於日前被拍得與女伴出入夜店,他表示當晚有舊同事生日,事前已向女友報告行蹤。