軒仔黑暗約會有「性」趣

歌手張敬軒昨晚為在黑暗中進行的歌唱比賽擔任評判，他自爆有輕微幽閉恐懼症，幸好沒受影響，又指場地還提供黑暗中約會，看來心情愉快的他更誤將「有興趣」講成「有性趣」，非常搞笑！另外，問到知否吳雨霏結婚一事，剛知情的他恭喜對方：「呢行好多人30歲都未結婚，佢可以喺適婚年齡結婚幾好。（叫容祖兒都快啲？）我哋日日叫，但佢條事業線咁長，事業為重。」又透露完成昨晚活動後便「收爐」，直到年初五才有工作，但還未想到去哪兒度假。