Kay結婚周年唔慶祝

任賢齊與謝安琪（Kay）昨日以活動大使身份出席單車百萬行記者會，Kay表示會叫老公張繼聰和囝囝張瞻一同參加，但他們都忙：「張瞻好多應酬！」提到與阿聰的結婚周年紀念日，她說：「我哋冇慶祝，嗰日大家都有嘢做，不過我哋見多咗，可以一齊喺廠對戲！」同為人父母的小齊指仔女很快學會踩單車：「我覺得好冇成就感！」Kay同意並指有想哭的感覺。小齊又指早前拍杜琪峯的電影，但聽聞要補戲：「唔知點解拍杜Sir嘅戲好似拍唔完咁！」他新年將返台繼續其電影的後期製作。