楊千嬅前晚第二場紅館演唱會，請來一向被外界視為宿敵的容祖兒任表演嘉賓，兩位天后惺惺相惜，千嬅讚祖兒是優秀對手，更自爆靠祖兒的歌療情傷！自誇演唱會夠旺場的她又「預告」祖兒好事近。

兩位天后在台上擁抱，惺惺相惜。

千嬅指向觀眾席的師兄，令祖兒甜笑！

丁子高（左起）、蔡一傑和劉浩龍搭晒膊頭睇騷。

第二晚在紅館開騷的千嬅除獲老公丁子高支持外，好友劉浩龍（師兄）、蔡一傑及Eric Kwok夫婦均現身捧場，最驚喜是長期被視為競爭對手的天后容祖兒首次做千嬅嘉賓，兩人合唱《習慣失戀》。談到選唱祖兒這首歌的原因，千嬅自爆當年失戀時，祖兒很多失戀歌都成為她在K房必唱的療傷歌曲，卻愈唱愈Lonely！

天后相惜

千嬅大讚祖兒是她人生及工作上很欣賞的歌手：「喺頒獎禮大家都係競爭對手，喺嗰一分鐘唔係你贏就我輸，當然嗰刻好唔順氣……但事後都認為娛樂圈應該多啲唔同歌手，好似我同你咁！」祖兒亦贊同地笑說：「任何市場都唔可能得一個產品，好似電話有『iX』，亦都要有『SamX』囉！」引來全場爆笑。

談生B甜笑

難得兩位天后同台「吹水」，千嬅稱陳奕迅自稱有減肥秘方，祖兒聞言即提醒千嬅小心中伏，又說羨慕千嬅踏入人生另一階段，千嬅即說：「你都近啦！好快o架啦！」隨即指向坐在丁子高身邊的師兄，祖兒亦大方表示女人最需要一個好歸宿，並說：「係喎！兩隻獅子（獅子座）。」千嬅笑說：「我呢個場好旺o架！我助手都係喺我演唱會識咗依家個老公，當年個唱叫『開大』，結果仲生埋BB添！」搞到祖兒一臉甜笑。