吳雨霏（Kary）入行13年，圈中緋聞男友及舊愛不算多，但全部屬有才華、靚仔型，緋聞男友包括有周柏豪和林德信，而公開承認的圈中男友只有余文樂，昨日余文樂透過所屬公司向舊愛送上祝福：「願她幸福快樂。」

而和Kary於2011年傳因拍MV而撻着的林德信，亦透過經理人送上簡短的賀詞：「恭喜！祝幸福快樂。」

至於和Kary相識於微時的周柏豪，則形容Kary結婚如「親妹」出嫁般興奮：「十級開心，因為知呢個係好好嘅男仔，Kary嫁畀佢係好放心。」柏豪又話早知兩人婚訊，但要為好友守秘密，他打算送歌曲給Kary作結婚禮物。