張智霖（Chilam）昨日出席新片宣傳活動，談到太太袁詠儀（靚靚）「情迷」韓國型男李敏鎬，Chilam指不會呷醋，卻「示威」表示也想見全智賢，更揚言：「驚佢見到我會暈。」

阿佘在活動上大搞氣氛。

馬明與朱璇在片中都有不少戲份。

張智霖昨日與佘詩曼、馬國明及朱璇宣傳電影版《衝上雲霄》，與粉絲玩遊戲時，「Cool魔」上身的Chilam向女影迷施冧功。談到靚靚獲內地節目《一路上有你》劇組安排與偶像李敏鎬會面，Chilam笑說：「我戥佢開心，作為伴侶真正嘅意義，唔係逼緊對方而係擴闊彼此嘅空間。（阿靚見到李敏鎬反應點？）佢呆咗囉！事前我哋真係唔知。（咁你想見邊個？）全智賢，不過我驚佢見到我會暈，哈哈。」

馬明錫「阿媽」

至於馬明在活動上「狂呻」﹕「大家睇完套戲，都應該唔知我去咗英國拍。」他又說：「我同江美儀拍咀戲，佢之前演過我繼母，搞到好似錫阿媽咁。」問到是否不滿，他說：「我有得去英國不知幾開心，其實係因為要集中所有人拍機艙戲，所以先要我飛過去啫。本來都有街景，但我要趕住返嚟拍《梟雄》嘛！至於江美儀，好彩對手係佢，第一日開工就要咀喇！」朱璇在片中戲份不少，問到會否擔心被傳有「靠山」，她說：「戲份劇本一早安排咗！如果真係有嘅話，就做第一女主角啦！」

另外，Chilam與靚靚在《一路上有你》互爆「大鑊」，被問到最討厭妻子的行為是甚麼？他跟靚靚答案相同，都是「大聲說話」，再問他最討厭聽到靚靚說哪句話，他說：「不要出去玩。」靚靚則說：「懷疑他。」