楊千嬅前晚踏上闊別4年多的紅館舉行《楊千嬅Let's Begin世界巡迴演唱會2015》頭場，老公丁子高抱着囝囝捧場，千嬅全晚共換了九套衫，當中不乏Deep V、露背的索爆晚裝，除首次挑戰彈豎琴外，她又穿上吊帶背心加黑絲勁跳18分鐘辣舞。心繫囝囝Torres的她，在台上頻頻提到一家人的生活趣事，又自爆：「媽咪為咗令Torres認得我，喺我唔喺香港時會不斷播我演唱會、Live嘅碟畀佢睇，有時我都會擔心佢嘅童年唔係咁樣就過呀嘛？但囝囝永遠喺我喊時就會跟住喊，其實我除咗有癲喪嘅一面，有一面係較傷感。」

千嬅穿上黑色大蝴蝶結Deep V魚尾裙獻唱《飲水思源》。

千嬅邀得舊愛Eason任嘉賓，上台後更來個抱抱。

丁子高抱着囝囝Torres與千嬅父母齊來捧場，為老婆打氣。

穿上性感戰衣的千嬅，與舞蹈員大跳貼身舞。

第一晚的嘉賓請來舊愛「吹神」陳奕迅（Eason）獻聲合唱《因為愛情》，Eason把握機會與千嬅「閒聊」減肥秘方，他更揚言：「如果我瘦到，就着你嗰件金色舞衣！」另外，千嬅老公丁子高昨日參加渣打全馬賽事時表示，有人冒充他出售假飛，呼籲大家買飛時小心為上。