跑全馬的徐濠縈、陳山聰和跑十公里的劉心悠和鍾舒漫等，完成賽事後均對成績各有意見。阿徐返抵終點時即稱失望：「根據我隻錶，應該係3小時52分鐘，比舊年慢咗2分鐘，有少少失望，又戒唔到要去廁所，踎低又抽筋而失咗啲時間。」她又預告將再出戰跑馬拉松：「農曆新年會去東京跑，希望可以破自己時間。（唔怕凍？）我鍾意凍，平時都係着背心、Bra Top。（老公陳奕迅都去？）去呀！個女都去，我就當避年。（跑衣汗濕搞到飛釘？）唔緊要，我好開放，運動員嘛！又唔係走光，我唔姿整。」

跑全馬的徐濠縈對成績失望，不過卻預告農曆新年會去東京再跑。

心悠第九年跑十公里成績麻麻，可能受早前開工拗柴影響。

陳山聰成績比去年好，要多謝蔣志光提點。

鍾舒漫和馮允謙齊挑戰十公里。

比去年有進步的山聰說：「要多謝蔣志光，佢叫我跑飛鵝山山路，我氣力同速度都有所提升，要請佢食飯。」至於第九年跑十公里的劉心悠，早前開工已拗柴：「腳力弱咗，所以唔會Chur自己。」她亦想挑戰半馬，但因路程雙倍，所以要花時間訓練：「但我唔想應承自己住先，所以出年都係跑住10K住。」同樣跑十公里的鍾舒漫成績好過上年：「預計一個鐘十分鐘到，快過上年六、七分鐘。（下年挑戰半馬？）唔會啦！堅持Keep住10K。」