無綫花旦黃智雯早前到橫店為劇集《張保仔》拍外景，期間難得有三日假期，即相約同劇的樂瞳及夏竹欣轉戰上海玩樂，已很久沒有到上海的智雯，對當地於短短幾年間變化之大感驚訝，仍很懷念當地小食的她，更第一時間品嘗出名的小籠包及生煎包。

黃智雯夜遊上海，觀賞美麗夜景。

黃智雯和好姊妹到上海，當然要大買特買！

夏竹欣（左起）、樂瞳和黃智雯擦小籠包，好味！

黃智雯去蒲吧，不知有沒有識到靚仔呢？

為了到高級餐廳見識，她們專誠去裝身，她說：「拍劇冇見得人嘅衫，所以我哋三個女仔去買衫，之後去咗外灘一間好靚嘅餐廳食晚飯，真係好開心，雖然短短三日兩夜，但都去咗田子坊、潮區呢啲地方，走之前一晚想去Clubbing，大家夜晚10點去到間夜店，點知太早未開門，結果我哋去咗第二個地方飲嘢，原來上海真係夜夜笙歌，大家直落仲有After Party，至早上8點先散，但我哋去到凌晨3點就頂唔住要返酒店瞓覺。」