正在無錫拍攝劇集《東坡家事》的黃心穎昨日生日，同劇演員為她送上驚喜！其後歐陽震華（Bobby）上載與她的合照，壽星女笑言塊面圓到愈來愈似「阿哥」Bobby！

劇集《東坡家事》一眾演員為心穎（前排中）大搞生日派對兼送禮物，氹得壽星女笑逐顏開。

心穎在生日蛋糕前許願，唔知許咗啲咩願呢？

無綫藝人黃心穎昨日生日，身處無錫拍攝新劇《東坡家事》的她，前晚獲同劇演員歐陽震華、萬綺雯（蚊蚊）王浩信及蝦頭等大搞驚喜派對，與她打邊爐、切蛋糕提早慶祝26歲牛一，又送上「蘇小妹公仔」、冷帽及鮮花，氹得她很開心：「好Sweet，今年生日願望好簡單，希望身邊所有人都健康快樂，希望同『蘇家』有機會再合作，少啲假放，多啲嘢做！」

無錫返港即減磅

提到在內地工作，要每日凌晨3時開工，心穎表示並非那麼辛苦：「日日可以早收工，拍到下晝5、6點就可以一齊食飯，好開心！間中有一日假，就會去無錫市中心睇吓有乜好食，周圍逛，感覺好似去旅行咁。」她又坦言已槽肥不少，幸返港後還有十多日可減肥，更笑言與劇中的「哥哥」Bobby愈來愈有「兄妹相」：「雖然冇磅重咗幾多，但我塊面愈嚟愈圓，愈嚟愈似Bobby囉！」

至於Bobby亦在微博上載「兄妹」合照，並留言祝「小妹」心穎大紅大紫，戴上冷帽及粗框眼鏡的二人，瞇眼笑到四萬咁口，外貌確實甚相似！