邵美琪昨日與黃德斌和李霖恩在無綫電視城拍攝無綫新劇《刀下留人》，近日承認與前男友施祖男分手的她，與眾演員有講有笑，心情似乎未受影響，但問及有傳因前男友偷食而斬情絲的她，宣布分手後心情如何？她表示不回答所有有關感情問題，並說：「多謝關心！」而黃德斌指美琪心情冇特別：「佢係專業演員嚟，又係成年人，唔會將心情放喺工作上！」而李霖恩指對美琪分手不知情：「佢喺Facebook見到我Post個玩具四驅車場，就問可唔可以嚟，仲話佢細個都有砌模型！」

美琪不時大笑，似乎心情未受影響。