視帝郭晉安捱義氣聲援亞視
由亞洲會主辦、以十萬元慳皮製作的《萬眾同心撑（撐）亞視》義演昨晚在亞視大埔總台舉行，雖說同行如敵國，惟患難見真情，亞視獲三大同業無綫、有線電視及nowTV出手打救！無綫更動員出爐視帝郭晉安、新人王鄭俊弘及港姐冠軍陳凱琳拍片打氣！
視帝郭晉安及港姐陳凱琳等藝人傾巢而出，錄片為亞視打氣！
蔡梓銘及安俊豪等「星光家族」大合唱，炒熱氣氛。
陳凱琳
鄭俊弘
林欣彤
王梓軒
許廷鏗
羅力威
陳法蓉
蔣家旻
鍾欣潼
蔡國威（左起）、朱慧珊、金鈴及劉錫賢盛裝撐亞視。
冼國林（中）帶同徒弟陳嘉桓及沈良杰出席義演騷，又贊助水及於亞視落廣告，出錢出力！
黎燕珊
正處於水深火熱的亞洲電視至今仍拖欠員工12月份的薪金，早前更出現「斷水」局面，令人慘不忍睹！在亞洲會的幫助下，形勢告急的亞視昨晚花10萬元在大埔總台舉行《萬眾同心撑（撐）亞視》義演，並獲無綫、有線電視及nowTV三大同業仗義救亡！
陳嘉桓望合作拍劇
繼早前斥資數百萬元買入七百部粵語長片後，無綫再顯大台的大將之風，安排逾20位藝員拍攝打氣短片，包括三度稱帝的郭晉安、新鮮出爐的緋聞情侶鄭俊弘及吳若希、被譽為近年最靚港姐冠軍的陳凱琳及藝人蔣家旻等，短片會在《萬眾同心撑（撐）亞視》中播出，可謂患難見真情！至於首屆亞姐冠軍及仁美清叙主席黎燕珊則以有線電視藝人身份拍片支持，nowTV藝人梁思浩亦有現身義演騷，以行動為亞視加油！
此外，今次義演騷亦邀得冼國林及其徒弟陳嘉桓（Rose）及沈良杰任嘉賓，同時找來旗下藝員及星光家族撐場，實行自己打救自己！對於亞視在「冇糧出」的情況下仍出心出力搞騷，冼國林大表感動：「作為老闆見到員工咁上下一心，既羨慕又妒忌，唔支持就要檢討吓！」他又花約六位數字贊助義演騷的食水及二月會再在亞視買廣告時段，並表示曾與亞視商討拍劇：「之前有傾過開劇當係投資，因為我需要個平台畀自己藝人出鏡，其實古仔都度埋，臨扑錘嗰下就有人事變動，希望亞視快啲好番！」至於Rose亦有意為亞視拍劇：「任何工作都係好事，係學習機會，未試過喺香港拍劇，幫到即係證明香港人團結！」
亞姐后冠爆「錫」造
是次「星光熠熠」的義演騷起初入座率高達九成，但全晚獨沽一味只有唱歌環節，難怪開騷後個半小時，舞台兩側率先出現「空櫈」，其後舞台中央最前排的賓客亦跟隊走人！負面新聞不絕於耳的亞視，再被爆去年的亞姐后冠以塑膠製造，而亞洲電視發言人昨日否認傳聞：「唔係，係用錫造，因為搵唔到贊助商。」一向大膽創新的亞視竟棄用傳統的鑽石后冠，改以「錫」造后冠，果然夠破格！
