歌手龍小菌與名模歐陽妙芝（Christine）昨日出席「時尚設計師時裝匯演」，擔任模特兒的龍小菌首次行天橋，帶病上陣的她笑言非常緊張：「我尋日發燒，今日仲有啲腳步浮浮，好彩啲音樂幾慢，所以都可以呆吓呆吓咁行出去。」問到初次行天橋有何準備工夫？她笑說靠打天才波：「尋日發燒嚟唔到Rehearsal，頭先即刻睇其他Model點行。」而Christine則專誠捧好友設計師Andy Ho場，她表示本來也會任模特兒，可是由聖誕至今因病沒有運動，故重了10磅，未能親身上陣，惟有做座上客睇騷。

帶病上陣的龍小菌表示行天橋時腳步浮浮。

Christine因胖了而未有上場做模特兒。