謝婷婷與李治廷出席新年活動，他倆可謂同病相憐！婷婷去年底與戴尚安（Sean）分手，而李治廷與緋聞女友范冰冰亦有傳因內地男星李晨介入而甩拖。提到《好報》早前拍得婷婷與Sean分手後前後腳現身，是否轉為地下情？婷婷斷言否認：「我哋最近冇聯絡，唔係復合！（有冇機會復合？）都冇！（斬釘截鐵？）因為新一年要Move Forward（向前）。」

謝婷婷與李治廷最近疑似齊齊甩拖，真係陰功豬！

當李治廷被問到分手傳聞時，他諸多迴避：「向來唔使問呢啲，我真係唔想Comment。（依家有拍拖？）唔希望自己嘅私人生活咁高調，係好私人嘅嘢。（有傳李晨同范冰冰見家長？）放過我啦！我冇嘢講！（你哋係朋友？）講番新年嘢啦！」