華姐冠軍陳凱琳昨日在將軍澳某酒店出席《2015國際中華小姐競選》記者會，為奥克蘭佳麗(2)金詩迪試戴后冠。提到試戴后冠的佳麗大多無緣奪獎？陳凱琳說：「都唔係嘅。金詩迪身材最高，都有機會嘅！」她睇好香港佳麗(6)邵珮詩，認為她夠大體、淡定及對答清晰，另外，她亦看好西雅圖佳麗(13)李卓兒及悉尼佳麗(15)蔡美霆。

陳凱琳睇好香港佳麗邵珮詩。

邵珮詩

陳凱琳為金詩迪試戴后冠。

提到與陳山聰傳緋聞，她笑說：「得啖笑啦！每個禮拜都話我有新男友，係真咪好唔得閒？尋日開工黃智雯坐喺我同山聰中間，我哋都講笑話隔住個人，畀人Cap圖都唔怕啦！」講到陳山聰專追有錢女﹖她說：「唔關事！咁出得去拍嘢，成班同事自然會Close啲！」

對於被指「慢動作」出場，金詩迪解釋：「平時唔係咁，今日大場面第一次見大家，希望保持最好狀態認真啲，可能自己平時少着高踭鞋！」她亦不擔心與冠軍無緣：「最緊要有自信，試戴后冠已經覺得好幸運。」