謝安琪（Kay）前晚以假透視裝出戰《勁歌金曲頒獎典禮》，對於賽前一直有傳「金曲金獎」是她的《獨家村》與吳若希（Jinny）的《越難越愛》之爭，Kay說：「年年都係咁講，我都好榮幸年年都乜乜之爭嘅，我係『之爭王』啦！每個獎項都實至名歸，我都有同祖兒講，知道佢今年嘅辛苦，都有問候佢媽咪。」她又大方讚Jinny，亦覺得在心目中《越》曲的覆蓋面好大，問到會否多唱主題曲？她說：「唔會特登，《殭》呢套劇有好多歌手參與，是但一個唱都好合適，如果叫我唱都好榮幸！」

雖然失落「金曲金獎」，但謝安琪都有獎揸手。