陳豪昨日在旺角拍劇喚來人山人海，更不小心惹來口舌之爭，在旁的他亦望到呆晒。最後他只好使出絕活，用一招「禮貌腳」令緊張氣氛得以紓緩！

陳豪目擊店舖員工與途人爆發罵戰，即時嚇呆！

陳豪與朱咪咪拍攝新劇《鬼同你OT》時七情上面。

陳豪為遷就朱咪咪的高度，不惜施展一招「禮貌腳」，十分搞笑！

陳豪與朱咪咪等在旺角拍劇，引來不少途人圍觀。

陳豪（阿Mo）、蔣志光和朱咪咪等昨日在旺角拍攝無綫新劇《鬼同你OT》外景，在街上找尋「腦電波」，引來不少路人圍觀。由於場面太墟冚，附近店舖員工與途人更發生口舌之爭，令拍攝進度停頓一時。

「禮貌腳」就咪咪姐

阿Mo坦言在旺區拍攝或會對其他人造成不便：「所以希望快啲拍完離開，唔好阻住人做生意！」而咪咪姐亦認為太多人圍觀拍照：「太多路人堆喺舖頭門口，啲店員只係叫佢哋唔好塞住，就鬧交喇！（怕影響進度？）大家都係文明人，講幾句就算o架啦！」故她表示有時都會親身呼籲路人不要逗留。

此外，談到咪咪姐拍攝時四秒谷出眼淚，阿Mo謙稱做不到：「咪咪姐叻好多！」而咪咪姐笑言對眼夠濕：「拉番勻，所以皮膚好乾！」而阿Mo在拍攝時為遷就對方高度，更施展一招「禮貌腳」，場面搞笑！