兩位靚女蔡思貝及許亦妮昨日凌晨冒住寒風，於銅鑼灣露天地方食住雪糕促膝長談，二人懶理現場人來人往，如同孖公仔般雞啄唔斷，只見她們時而取出電話分享趣事，時而細聲講大聲笑，及至發現記者，即大方應邀合照。未幾許亦妮更於微博上載二人扮哨牙的照片：「每次相見總是開心到傻咗，笑到跌落地，我幸福，因為身邊的好朋友都是會陪着我瘋癲的人。」

許亦妮（左）與蔡思貝老友鬼鬼，傾到凌晨都唔捨得走！

蔡思貝（左）及許亦妮冒寒風在露天地方食雪糕。