中國3D數碼娛樂公司老闆蕭定一育有一女，其妻陳敏最近再度有喜，更佗有雙胞胎，令再做老竇的他分外興奮，昨日受訪時表示不會掉以輕心：「老婆個肚依家3個月大，未知性別，但我覺得好好彩！（有遺傳成分？）岳父都係雙胞胎，相信係家族遺傳，老婆照到係孖胎時都感動到眼濕濕！」他透露女兒熵芷得知快做姐姐時很開心，又揚言「3個夠晒數」會收工，問到如何答謝老婆？他說：「知老婆辛苦，在心中啦！我嘅嘢即係佢嘅嘢，樓、公司、股票全部都有佢個名，其實佢先係我老細，我幫佢打工！」

蕭定一與陳敏本已育有一女，現時再佗孖胎，好事成雙！

至於身在韓國公幹的張智霖，對老闆兼好友再為人父大感高興：「我一早就知，終於唔使忍喇！都幾期待！」