歌手雨僑對扮靚及養生向來甚有研究，被封「美容達人」的她早前更索性推出自家面膜「益街坊」！問到有何護膚心得？化身生招牌的雨僑表示會勤用自家產品及去死皮保靚樣：「市面好難搵到『周身刀張張利』嘅產品，我多數用番自己生產嘅面膜，一次過消炎、美白同緊緻皮膚，仲有我隔兩日就去死皮，唔想角質層變厚！」

雨僑經常面色紅潤，原來是靠浸腳！

雨僑

雨僑教大家美容之餘，不忘宣傳自家製面膜。

雨僑又自爆體質差易「爆瘡」：「我體質係寒底，狂生暗瘡就會去睇中醫調理！」經常紅粉緋緋示人的她大爆秘訣在於浸腳：「用熱水浸過腳上嘅三陰交穴就會即刻成身都暖晒，血液行走得暢順後，面色就會好好！」提到外形纖瘦卻擁有Big爆身材，雨僑即推薦「時快時慢」瘦身法：「做運動要一時快、一時慢先可以盡力燃燒脂肪，例如慢跑廿分鐘，之後快跑三分鐘，速度上上落落會快瘦好多！」