昨日《好報》獨家報道樂壇新人王鄭俊弘（Fred）戀上「宅男女神」吳若希，二人同屬愛狗之人，經常傾養狗心得，加上Fred傳跟緋聞女友姜麗文分手，近水樓台下速搭上「女神」。

鄭俊弘（圖）與吳若希相約放狗，在公園「蜜蜜斟」。

當鄭俊弘不在身邊，吳若希即電話講不停。

鄭俊弘、吳若希

《好報》圖文並茂報道鄭俊弘與吳若希拍拖。

鄭俊弘早前被指與緋聞女友姜麗文分手，但他不愁寂寞，被《好報》踢爆與歌手吳若希（Jinny）搭上，二人同屬單身，加上同為愛狗之人，故此一拍即合。二人為免招搖，山長水遠走到沙田彭福公園放狗，期間傾得相當投契，為怕戀情曝光，二人特地前後腳離開。Jinny又在微博發表愛的宣言：「如果可以，我希望你可以陪我一輩子！I Love You！」擺明打算將戀情明朗化。

對於拍拖放狗一事，Fred透過電話回覆：「同Jinny係好朋友，只係一齊放狗，當日家姐同其他朋友都喺度，大家唔好諗咁多。」但又忍不住補充一句：「Yeah，開心呀！」看來如沐春風。Jinny則說：「其實係我哋一班朋友去放狗。」談到微博「愛的宣言」，她則笑說：「篇嘢係寫畀我隻狗，Fred係人，唔好咁話佢。」但又忍不住勁讚對方好男仔，大家是好朋友兼好同事。

二人將出席明日舉行的《勁歌頒獎禮》，據知橫掃今年新人獎的Fred繼續在TVB揚威，成為新人王。而Jinny大熱歌《越難越愛》除穩奪金曲獎外，更有機會問鼎金曲金獎，滿載而歸。

姜麗文冇唔開心

對於Fred暗撻Jinny，姜麗文表示不會為二人的緋聞不開心，更說：「唔信佢哋拍拖，可能佢哋同唱片公司特別Friend啫！」而另一緋聞女友蔡思貝接受電話訪問時說：「唔信，吳若希同好多人都Friend。」而Fred的同門師兄許廷鏗說：「兩個的確係愛狗之人，經常交流養狗經。」又笑說：「等我一陣恭喜吓佢哋先。」而鄭欣宜則讚二人合襯，笑言會八卦吓！