同是「餅碎」的吳雨霏（Kary）與楊愛瑾（Miki）各自找到好歸宿，雖然Kary早一步嫁得，但Miki原來亦Ready做人妻！Miki前晚以性感透視兼大露背上陣現身活動，提到早前獲永安太子爺男友郭永淳發聲明澄清她並非小三，Miki坦言大受感動：「係幾感動！最開心係朋友同公司支持，知道身邊嘅人真正愛我。（地位獲肯定所以着得醒神啲？）唔關事！出席活動嘛！」情人節生日的Miki表示即將告別「二字頭」，自覺長大了不少，問到如何慶祝？她說：「年年都同朋友過。（今年同男友過？）唔介意！（求埋婚？）嘩！太驚喜喇！唔諗咁多，隨緣啦！（準備嫁人？）都準備好。」她又透露現時正學金融，認為是一大挑戰，跟拍戲分別很大，自言好像變了「雙面人」有雙重性格。

雖然被Kary「爬頭」，但Miki透露已準備好隨時做人妻。

Miki「中門大開」勁性感，她透露已做足安全措施，因而不能坐下來。