前組合MVG成員Sherry去年因誤信友人而被騙50萬元，她早前出席活動時說出經過：「係朋友介紹識，個男仔好後生，又講到戶口有三百萬、住豪宅同投資有道，我真係太冇眼光咁信咗佢，分兩次過咗成50萬畀佢，真係唔開心。」問到何時才揭發對方是騙子？她說：「當時成日唔喺香港，冇咩點理，有次我搵佢話唔再投資喇，叫佢畀番錢我，佢就用唔同藉口推我，之後就失蹤。」Sherry表示被騙的是辛苦賺來的血汗錢，故已交財務公司代為追債：「查出咗原來佢戶口冇錢，同埋係租樓住。」又承認父母得悉她被騙：「唔想佢哋太擔心，所以冇講被呃咗幾錢。」

Sherry因誤信朋友被騙50萬，當買個教訓。