新進歌手岑日珈（Angie）日前在元朗出席活動，她透露正密鑼緊鼓準備新碟：「本來係上年12月出嘅，但當時整親腳，而我有一首歌係要跳舞拍MV，所以就推遲到今個月先出。」Angie又希望新一年學習演技：「公司嚟緊打算投資電影，希望會分配到一個好角色，所以都想修讀一下關於演藝嘅課程。」問到最想試演的角色？她竟然說要做大家姐：「我一直都好想試吓演黑社會大佬嘅女朋友，好有大家姐Feel嗰種，細細個成日睇港產片，啲大家姐同人講數，好霸氣！」

Angie表示想做大家姐角色，磨練演技。