銳意在模界及時裝界雙線發展的模特兒楊柳青，去年底開店賣韓國服裝，其主持的時裝節目更是好評如潮，故今年添食兩集，將會到意大利及韓國取景，令她大呼興奮。

Wiyona主持的時裝節目添食，更會到意大利取景。

Wiyona

Wiyona（右二）早前開舖，師姐JC（左）特地撐場。

Wiyona（右二）為網上電台節目做嘉實，乘機偷師。

去年底於長沙灣開設潮店的Jessica C.師妹楊柳青（Wiyona），雖然身兼模特兒、主持及老闆娘忙個不停，但承諾會不時於舖頭坐鎮，希望可以演藝及時裝同步發展。去年接拍nowTV時裝節目《Fashion Seoul大激戰》大獲好評的Wiyona說：「一路以嚟都諗住Model先係主要，但係原來Fashion令我喺娛樂圈更有定位，我都好開心！希望兩樣都Keep到！」

睇埋Fashion騷

Wiyona的節目今年再添食兩集，並會到意大利及韓國取景，令她大呼興奮：「意大利係第一次去，超級興奮！歐洲國家嘅Fashion好勁！有得睇就一定會睇埋騷！同埋我做完嘢應該會留多一個禮拜嘅！」

至於意大利男士，她笑說：「其實咩國家都冇問題，最緊要係真誠啦！」

唔愛靚仔講Feel

瓣數多多的Wiyona，前年與舊愛分手後一直單身，問到擇偶條件，她說：「其實係感覺，唔一定要靚仔嘅。遇到啱嘅未必係啱你條件嘅人嚟，但係唔啱又好難逼。」

曾以藝名楊琳闖台灣的她，近日用回原名楊柳青，笑言較親切及始終是爸爸送給她的禮物。