歌手漢洋、譚嘉荃（Amy）及吳國敬等日前到內地登台，Amy穿上低胸晚裝，露出「事業線」甚為性感，並與方伊琪在台上合唱。她們返回後台時，竟被工作人員誤以為是兩姊妹，她說：「有工作人員問方伊琪，我係咪佢細妹，之後我哋對望咗一下，都覺得好似！（開心？）佢係我好欣賞嘅歌手，似佢咁人靚聲靚就好啦！（大家邊度似樣？）係隻眼啦，笑起上嚟都好似腰果咁。」而漢洋又表示與多位老友合作，感覺似敍舊：「今次同喬寶寶、吳國敬一齊登台，好似敍舊咁，特別開心！」

Amy（左）和方伊琪被當兩姊妹，又幾似！

喬寶寶、吳國敬和漢洋等登台搵銀，借此敍舊一番。