無綫小花樂瞳近兩年曾暢遊多個國家，本屬思考型的她眼界大開，希望變成實幹型，戒掉「諗多過做」的習慣！去年她因拍劇一嘗打女滋味，今年則計劃學法文及品酒，夢想成為紅酒專家，看來「笑女」樂瞳將升呢做「淑女」！

曾經只講不做的樂瞳，已定下目標向品酒師之路出發。

暢遊多國令樂瞳得到不少啟發，從中開竅。

手腳唔協調的樂瞳（右）感激楊怡陪練武。

樂瞳面對三文魚沙律、和牛及黑豚肉串燒，急不及待大快朵頤。

無綫小花樂瞳入行以來劇接劇忙個不停，近兩年她趁空檔到過不少地方旅遊，包括法國、英國、意大利、韓國及泰國蘇梅等，遊歷四方令她獲得啟發及開竅，決定由思考型變成實幹型，減少空想好好計劃人生，她說：「之前成日擔心工作發展，依家覺得唔可以太執着，同埋眼見好多藝員都有自己生意，我都想識多啲嘢，會努力增值，追番啲時間！」

積極學法文

過去樂瞳予人開心少女的印象，她希望作出轉變，計劃學習釀酒變做「淑女」！去年她參觀意大利酒莊，令本來不愛喝酒的她產生興趣，今年想主攻學法文及品酒：「呢兩年開始會飲酒，好奇想知多啲資料，想學品酒同釀酒，希望考到紅酒牌做試酒師！至於學法文就因為法國出產葡萄酒最出名，需要用到法文。（將來想搞有關酒嘅生意？）未知係咪發展到，一步一步嚟，之前睇咗明珠台節目《走過全世界》有女品酒師專訪，都想主持類似節目。」

耍劍拮親人

說到轉變，樂瞳在劇集《宦海奇官》中挑戰做打女，欠缺動作天分的她，自嘲學武遲鈍，幸得同劇的楊怡及武術指導細心教導：「角色係好打得，但我筋好硬又手腳唔協調，好在阿怡經常陪我練，仲捉住我隻手練招式！最難係要耍劍，試過幾次唔小心拮親武指，但佢哋好有耐心繼續教我。（片場個個都驚咗你？）可能！每次打到人我都好有歉意！」