人處於不同階段，就會有不同的身份，女神陳雅倫（Ellen）自18歲踏入娛樂圈，無論是拍戲、唱歌或者出寫真均成功在觀眾心中留下深刻印象。在人生的穩定期，Ellen表示下一站想做幕後：「之後除咗幕前嘅演出之外，我仲好想做幕後嘅嘢，例如電影製作或者開電影公司。」

陳雅倫表示若然遇上Mr.Right，一定會安定下來！

難道女神想做女強人？Ellen說：「唔係！如果畀我遇上Mr.Right，我一定會願意為佢安定落嚟！」Ellen藉此刊登「徵婚廣告」：「首先一定想『有膊頭』，可以畀我依靠；其次，我唔需要大富大貴，但一定要有經濟基礎；最後，我好欣賞一啲有學識嘅成功男士，希望喺人生後半段可以Guide住我嘅人生。但其實只要係真心愛我，其他都變得次要！」