對於韓星Clara被性騷擾，同是人氣性感女星的袁嘉敏（Candy）坦言女人天生曲線豐富，自己亦遇過不少性騷擾，Candy說：「我諗發生喺我身上都有1,000單，有啲會直接要求同我發生關係，甚至開工時畀人伸手摸，我自己都慣咗，都睇開晒，如果對方冇咩實質行動就算！」她又表示即使是經理人都信不過，認為女仔要學識保護自己！

常在電影作火辣演出的Candy自爆經常被性騷擾，相當慘情！（資料圖片）

不介意以性感示人的Anita做足防「狼」措施，更溫馨提示一眾女生要「打定底」。（資料圖片）

至於另一性感女星崔碧珈（Anita）則透露入行第一個經理人是黃柏高，對方是有名之人，故令她大感放心，Anita又貼心地為女生提供貼士：「如果有Casting，最好就有女同事在場，而且Casting好多時候要換衫試衫，女仔最好打定底，咁樣會安全好多！」