G.E.M.圈中唯一好友李蘊昨日接受電話訪問，表示明晚會到紅館捧場，對於G.E.M.演唱會謝絕文字記者採訪，李蘊委屈地說：「我左右做人難，唯一可以做嘅係代G.E.M.向傳媒朋友講Sorry。或者呢個唔係佢本人嘅意思，佢唔做訪問都係想專注歌唱。」問李蘊若開騷，可會請傳媒食閉門羹？她說：「唔會，我唔專注唱歌。」

李蘊表示左右做人難，並代G.E.M.Say Sorry。

G.E.M.（左）早前在新城頒獎禮的記者會上玩遲到，Kay亦開腔力撐。

曾開腔力撐G.E.M.的謝安琪（Kay）則說：「娛樂圈經營困難，大家應該互相尊重，我唔可以對G.E.M.嘅安排作評價，每人有每人做法。（有負面新聞會避傳媒？）唔會，我會盡量面對，呢個先係解決方法。」同樣曾與香港傳媒交惡的Kay稱當時壓力甚大：「可能大家當時有誤會，如果交個心出嚟，關係一定會修好。」